"The Bakunawa is a dragon in Philippine mythology that is often represented as a gigantic sea serpent. It is believed to be the cause of eclipses" Encyclo.co.uk
apasa ang ako'ng mga dagan
subaya ug tarong
ang matag guhit sa orasan
nga kapila ka libong nang gi-agian
sa ako'ng nagkahanap nga handurawan
paspas buwan
apasa ang ako'ng mga dagan
tagsa-tagsa ug dakop
ang mga agik-ik
nga sa hangin
na lamang nagpabilin
ipha ug tarong
ang pisik sa taligsik
nga di na mauli
sa ngiaw nga langit
punit-a
ang salin sa hapon
sala-a unya ayaga
uban sa mga bituon
paspas buwan
apasa ang akong mga dagan
ayaw baya ug biya
kun di ku nimu maabtan
No comments:
Post a Comment