Haya (Wake)

“Pot Pourri” by Herbert James Draper (photo taken from net)

Haya

by Maria Theresa Lanit

(halad sa usa ka kalag nga ning taliwan)

Hubag napod ang akong mga mata 

pagbangon kos kadlawon ganina 

Ang hinay nga mga bakho 

ang nagpukaw kanako

Nialisngaw ang baho
sa mga rosas, ug baho
sa nalanay nga kandila 

Ning sagol ni 
sa bus-ok nga
hangin

ug ning gakos
nako 

Mabati ko
ang akong luha 

Apan, wa ko
 kini makita 

 Dili na
mahimo nga
balikun

ang mga
ning agi na 

Namatay ko gahapun 

Namatay nasad ko karon

Mamatay ko ugma kong 

di ko mopahiyum ron 

Pugson ko kining mga katawa

bisan ug hubag akong mata

Kay kining haya kung namat-an 

hangtud ugma pa